Migration Poetry I

 

Tuyo ang Tinta

Inay –
Itong sulat ay hindi
Darating kung muling
Pupunasan ‘yang ngiti;
Manhid kong palad
Na sa niebe’y bilad’y
Daungan ng huwad;

Kung ang ala-ala’y
kumanto sa Tondo,
sa gabi’y naglimlim;
sa Dingle gintubo
ang tangkay sang akon
nga damgo, nagbalhin;

Oras kung mangusap
Ang pagitan natin,
O, mahal kong inay;
Ang buwang naligaw,
Araw nang umidlip,
Sa puso ko’y buhay;

Sa dusa ng tinta
Sumanib ang sigla’t
Bumulong sa hangin;
Dayuha’ng may hawak
Ng saknong, taludtod,
Bigo nang ‘sinalin.

~ 0 ~

Walis at Buhangin

Sa kanyang mga kamay –
Sa daliri, sa kuko;
Naglalarong buhangin
Ang dumaloy niyang mundo;

Kaibigan mang igham,
Ang galit; dalit; hikbi;
Walis lang ang kinaway,
Pasan-pasan ng ngiti;

Nang gintong alikabok,
Sa tingting kumawala,
Punyal kung sa paningin
Ng sikmurang tulala;

Habang haplos ng luha
Niyang sa lubid pumikit,
Ang buhangin na’y putik
Sa walis nang dumikit.

~ 0 ~

 Armineonila M., “Panulaang Filipino,” Pag-usapan Po Natin Magazine, Kuwait: Kuwait Philippines Cultural Center (KPCC), September 20, 2011, p. 6 .

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s